روز نخست امتحان کانکور ولایت سمنگان با شفافیت کامل برگزار گردید.
روز نخست امتحان کانکور ولایت سمنگان با شفافیت کامل برگزار گردید.
امروز پنج‌شنبه، مؤرخ ۵ سرطان ۱۴۰۴ خورشیدی مطابق ۲۹ ذوالحجه ۱۴۴۶ هجری قمری ،امتحان کانکور ولایت سمنگان طی محفلی افتتاح و برگزار گردید.
محفل افتتاحیۀ این پروسه، صبح امروز با اشتراک محترم پوهنیار مولوی حبیب‌الله احمدی رئیس مؤسسه، محترم مولوی مهراب الدین اقبال رئیس معارف، محترم پوهنمل عبدالولی سیرت معاون علمی و امور محصلان، هیأت اعزامی کانکور ادارۀ ملی امتحانات، هیأت رهبری و استادان ممتحن مؤسسۀ تحصیلات عالی سمنگان و تعدادی از داوطلبان کانکور، با تلاوت آیاتی از کلام‌الله مجید آغاز گردیده و سپس محترمان هریک مولوی حبیب‌الله احمدی (رئیس مؤسسۀ تحصیلات عالی سمنگان)، مولوی مهراب الدین اقبال (رئیس معارف سمنگان) عبدالله دانشیار (رئیس هیأت اعزامی کانکور) بالنوبه پیرامون ارزش و جایگاه امتحان کانکور و شفافیت آن صحبت نمودند.
در اخیر برنامه، صُندوق مهرولاک‌شدۀ سؤالات امتحان با نظارت دو تن از داوطلبان کانکور و دیگر مقامات توسط هیأت اعزامی کانکور باز گردیده، بعداً پروسۀ امتحانات عملاً آغاز گردید.
قابل یادآوری‌ست که در روز اول این پروسه به تعداد ۴۶۴ تن از داوطلبان اشتراک ورزیده بودند، که امتحان شان در ۱۰ محل توسط هیأت کانکور و استادان ممتحن مؤسسۀ تحصیلات عالی سمنگان به شکل شفاف و بدون کدام کمی‌وکاستی اخذ گردید.
برای حل سؤالات به داوطلبان کانکور به مدت ۴ ساعت فرصت داده شده بود، که اشتراک‌کننده‌گان این امتحان با فکر آرام و راحتی تمام به حل پرسش‌ها پرداخته و رشته‌های مورد خویش را انتخاب نمودند.
#مدیریت عمومی نشرات و ارتباطات آگاهی عامه
